О́tken táýlikte elordada 74 jol-kólik oqıǵasy tirkelip, saldarynan 1 adam zardap shekti. Nur-Sultan qalasy Polısııa departamentiniń baspasóz qyzmeti osyndaı aqparat taratty, dep habarlaıdy Egemen.kz.
«Aýa raıy men jaýyn-shashynǵa baılanysty Nur-Sultan qalasynyń Polısııa departamenti júrgizýshilerdi barynsha muqııat bolýǵa, jyldamdyq rejımin, qaýipsiz ara qashyqtyqty, manevr jasaý erejeleri men qaptaldaǵy aralyqty múltiksiz saqtaýǵa shaqyrady.
Júrgizýshiler úshin eń qaýiptisi – asfalttiń dymqyl bolýy. Túngi aıazdar bastalǵanyn eskersek, jańbyr sýlaǵan taıǵaq jol odan ári qaýipti bola túsedi. Osyǵan baılanysty elordalyq polıseıler avtokólik ıelerine jazǵy shınalardy qysqysyna aýystyrýdy usynady», dep jazylǵan departamenttiń baspasóz málimetinde.
Saqshylar jaıaý júrginshilerge óte muqııat bolý kerektigin eskertip otyr.
«Qolaısyz aýa raıynda jaıaý júrginshiler jaqyndap kele jatqan kólikterdi kórmeıdi jáne olar keıde jolǵa kútpegen jerden shyǵa qalady. Osyǵan baılanysty, júrgizýshilerge qıylystar men jaıaý júrginshi ótkelderinen ótken kezde asa saq bolýǵa keńes beremiz», dep jazady vedomstvodan.