Gvardeısk garnızonynda Qazaqstan men О́zbekstan Respýblıkalary Qarýly Kúshteriniń arnaıy maqsattaǵy bólimsheleri arasynda birlesken taktıkalyq-arnaıy oqý-jattyǵý bastaldy, dep habarlaıdy Egemen.kz.
«Qalqan-2021» oqý-jattyǵýyna elimizden 250-ge jýyq áskerı qyzmetshi, 40-tan astam brondalǵan jáne avtomobıl tehnıkasy, on birlik avıasııalyq tehnıka, sonymen qatar ushqyshsyz ushý apparattary qatysyp jatyr.
«Oqý-jattyǵý barysynda eki eldiń áskerı qyzmetshileri qosymsha taktıkalyq jasaq quramynda birlesken arnaıy operasııany uıymdastyrý jáne ony ótkizý máselelerin pysyqtaıdy», delingen QR Qorǵanys mınıstrliginiń habarlamasynda.
Qazaqstan men О́zbekstan Qarýly Kúshteriniń arnaıy maqsattaǵy bólimsheleri arasyndaǵy «Qalqan-2021» birlesken taktıkalyq-arnaıy oqý-jattyǵýy bıylǵy jyldyń 5 qarashasyna deıin jalǵasady.