Belgrad tórinde kerilgen rıngte qarsylastaryn qoǵadaı japyryp jeńip kele jatqan 71 keli salmaqtaǵy qazaq boksshysy Aslanbek Shymbergenovtiń sheberligine Halyqaralyq boks qaýymdastyǵy (AIBA) basshylyǵy súısindi, dep habarlaıdy Egemen.kz.
AIBA óziniń ınstagram áleýmettik jelisindegi akkaýntynda Aslanbek Shymbergenovtiń germanııalyq Magomed Shahıdovty merziminen buryn jeńgen sátinen vıdeo júktep, qazaq bokshysynyń soıqan soqqysyn laıyqty baǵalaǵan.
«Joıqyn oń qoly dóp tıdi», delingen jazbada. Aslanbektiń sol soqqysynan keıin tóreshi kezdesýdi merziminen buryn aıaqtaýǵa sheshim qabyldaǵan bolatyn.