Elordada aýa raıynyń ózgerýi taksı qyzmetiniń jumysyna, dálirek aıtqanda, olardyń tarıfterine áser etti. Tańerteńnen bastap qala turǵyndary taksıdiń baǵasyna narazylyq bildirýde, dep habarlaıdy Egemen.kz.
Elordanyń kólik qyzmetkerleri qaýymdastyǵy oryn alǵan jaǵdaıǵa túsinikteme berdi.
«Búginde tutynýshylar taksı qyzmetteriniń 80%-dan astamyn taksı tapsyrysy boıynsha mobıldi servıster arqyly qyzmetin tirkeýsiz júzege asyratyn, ıaǵnı zańdy emes jeke avtokólik ıelerinen alady. Jeke avtokólik ıeleri mobıldi servısterdiń ózderi belgilegen erejeler men talaptardy saqtaıdy. Baǵa mobıldi qyzmetter ornatqan algorıtmder arqyly jumys isteıdi. Tıisinshe, jeke avtokólik ıeleriniń kópshiligi aýa raıyna baılanysty arttyrýshy koeffısıentti iske qosty», dedi Nur-Sultan qalasy Kólik qyzmetkerleri qaýymdastyǵynyń tóraǵasy Medet Qurmanov.
Onyń aıtýynsha, bul kóbinese aıazda jáne asyǵys ýaqytta bolady.
«Jeke avtokólik ıelerin belgili bir ýaqytta jumys isteýge májbúr etý jáne josparlaý múmkin emes. Algorıtm suranystyń artýy men shaǵyn jetkizilimge jaýap beredi. Bul jaǵdaı sheteldikterdiń taksı tasymalyn uıymdastyrýdaǵy táýeldiligin jáne qala turǵyndary úshin qyzmet ala almaýdy nemese baǵanyń ósýin kórsetedi», dep túsindirdi spıker.
Medet Qurmanov taksıdiń joǵary tarıfi qosylǵan kezde qala turǵyndary qaıda shaǵymdana alatynyn aıtty.
«Elordada taksı tasymalyn uıymdastyrýmen Kólik jáne jol-kólik ınfraqurylymy basqarmasy aınalysady. Atalǵan memlekettik organǵa barlyq suraqtardy I-Komek arqyly nemese tikeleı qoıýǵa bolady. Sondaı-aq shaǵymdardy Qazaqstan Respýblıkasy Básekelestikti qorǵaý jáne damytý agenttiginiń Nur-Sultan qalasy boıynsha departamentine jiberýge bolady», dedi ol.