Serbııada ótip jatqan álem chempıonatynyń shırek fınalyna on boksshymyz shyqqan bolatyn. Ázirge 48 kılo salmaqtaǵy Temirtas Júsipov pen 54 kılo salmaqtaǵy Mahmud Sabyrhan jartylaı fınal joldamasyn ıelense, 60 kılo salmaqtaǵy Samatáli Tóltaev jarysty shırek fınalda aıaqtaýǵa májbúr boldy, dep habarlaıdy, Egemen.kz.
Fransııa boksshysy Sofıan Ýmıaǵa qarsy sharshy alańǵa kóterilgen otandasymyz rıngte baryn salyp baqqanymen, qarsylasy ekinshi nómirde jaqsy jumys istep, qazaq oǵlanynan aılasyn asyryp ketti. Qarsy shabýyldarda utymdy qımyldaı bilgen fransııalyq boksshy rıngte óz tájirıbesiniń arqasynda jeńisti julyp aldy. Endi ózge jeti boksshymyzdyń jolyna úmitpen qaraımyz.