Bizde áli kúnge deıin monoqalalardy órkendetýge qatysty naqty ustanym men ortaq pikir joq. Bul týraly Ekibastuz qalasyna jumys sapary barysynda QR Prezıdenti Qasym-Jomart Toqaev aıtty, dep habarlaıdy Egemen.kz.
«Monoqalalardyń ekonomıkasyn ártaraptandyrý aıryqsha mańyzdy. Basqa da salalardy damytyp, jańa jumys oryndaryn ashý – asa ózekti másele. Bizde áli kúnge deıin monoqalalardy órkendetýge qatysty naqty ustanym men ortaq pikir joq», dep keltirilgen Memleket basshysynyń sózi Aqordanyń Twitter-paraqshasynda.
Sondaı-aq málim etilgendeı, Premer-Mınıstrdiń orynbasary Roman Sklıar elimizdegi monoqalalardy damytý boıynsha baıandama jasady.
Al monoqalalardy áleýmettik-ekonomıkalyq damytý isinde «Samuryq-Qazyna» qory kompanııalarynyń róli týraly Almasadam Sátqalıev jetkizdi.