QR Prezıdenti Qasym-Jomart Toqaev QR Úkimeti men QR Ulttyq Bankine ınflıasııany 8,5% sheginde saqtaýdy tapsyrdy, dep habarlaıdy Egemen.kz.
«Jedel áreket etýdi talap etetin máselelerge toqtalǵym keledi. Bıyl áleýmettik mańyzy bar azyq-túlik taýarlarynyń baǵasy 10,4%-ǵa ósti. 9 aıdyń qorytyndysy boıynsha ınflıasııanyń jalpy ósimi 8,9%-dy qurady», dedi Qasym-Jomart Toqaev Monoqalalardy damytý máseleleri jónindegi keńeste.
Memleket basshysy atap ótkendeı, azyq-túlik taýarlary baǵasynyń ósý qysymymen ınflıasııa 6% joǵarǵy deńgeıden ótetini anyq.
«Úkimet pen Ulttyq Bankke ınflıasııany 8,5% sheginde saqtaýdy tapsyramyn. Meniń tapsyrmam boıynsha deldaldyq shemalardy tekserý jónindegi óńirlik komıssııalar quryldy. Nátıjelerdi Prezıdent te, azamattar da kórmeıdi. Prezıdent ákimshiligi muny túsinip, bir apta merzimde baıandaýy tıis», dep túıindedi Qasym-Jomart Toqaev.