Asa aýyr salmaqta synǵa túsip júrgen qazaqstandyq boksshy Jan Kosobýskııdiń kelesi jekpe-jektegi qarsylasy anyqtaldy, dep habarlaıdy Egemen.kz.
Germanııalyq BAQ-tyń habarlaýynsha, asa aýyr salmaqtaǵy qazaq oǵlany 20 qarasha kúni sharshy alańǵa oralady eken. «Alyptardyń oralýy» dep atalatyn boks keshinde rıngke kóteriletin Jan Domınıkan Respýblıkasynyń namysyn qorǵap júrgen Aleksıs Garsııamen qolǵap túıistiredi.
Jannyń ózi sekildi bul jolǵy qarsylasy da ázirge jeńilistiń dámin tatpaǵan. Garsııa kásipqoı rıngte 11 kezdesý ótkizip, qarsylastarynyń barlyǵynan aılasyn asyrǵan. 7 jekpe-jegin merziminen buryn aıaqtaǵan. Al Jan bolsa 16 shaıqasta mysy basym bolyp, 15 kezdesýdi ýaqytynan buryn bitirgen.