Memleket basshysy Qasym-Jomart Toqaev Pavlodar oblysyna jumys sapary barysynda Prezıdenttik jastar kadr rezerviniń osy óńirdegi ókilderimen kezdesti, dep habarlaıdy Egemen.kz Aqordanyń resmı saıtyna silteme jasap.
Prezıdenttik jastar kadr rezerviniń birqatar ókili, atap aıtqanda, Ertis aýdanynyń ákimi Aıan Beısekın, «Nur Otan» partııasy oblystyq fılıaly tóraǵasynyń birinshi orynbasary Ilıa Terenchenko jáne «Ekibastuz MAES – 2» AQ dırektorlar keńesiniń múshesi Damır Súıentaev Memleket basshysynyń aldynda sóz sóılep, berilip otyrǵan múmkindik úshin alǵys aıtty. Olardyń aıtýynsha, Prezıdenttik jastar kadr rezervin qurý, aýyl ákimderin saılaý sııaqty bastamalar – jastarǵa jol ashyp otyr.
Qasym-Jomart Toqaev jastardan óńirdegi ózekti máseleler týraly surap, kadr rezervinde bolýdyń jaýapkershiligin atap ótti.
«Jastar kadr rezervi degenimiz – memlekettiń rezervi. Másele úlken bastyq bolýda emes, rezerv ókili bolýdyń máni – el úshin aıanbaı eńbek etýde. Memlekettiń damýy jolynda ózderińizdeı mamandar qajet. Biz búgin osy óńirdegi jáne elimizdegi túıtkildi máselelerdi ashyq talqyladyq. Sony júzege asyrýǵa sizderdiń kómekterińiz qajet bolady. Barlyq bastamalaryńyzǵa tabys tileımin», dedi Memleket basshysy.