Bokstan Belgrad qalasynda ótip jatqan álem chempıonatynda Qazaqstan quramasynyń boksshysy Serik Temirjanov jartylaı fınaldyq jekpe-jekte jeńiske jetti, dep habarlaıdy Egemen.kz.
57 kılo salmaq dárejesinde rıngke kóterilgen qazaq boksshysy Serik Temirjanov kýba oǵlany Osvel Kabaleromen qolǵap túıistirdi. Tartysty ótken jekpe-jekte qazaq boksshysy baryn salyp baqty. Tipti kýbalyqty birinshi raýndta nokdaýnǵa túsirip úlgerdi. Osylaısha óziniń shyn myqty ekenin dáleldegen Serik Temirjanov fınalǵa shyqty.