Mádenıet jáne sport mınıstri Aqtoty Raıymqulova Belgradta sharshy alańda top jaryp, úzdik nátıje kórsetken boksshylarymyz Temirtas Júsipov pen Mahmud Sabyrhandy jeńisimen quttyqtady, dep jazady Egemen.kz.
Arnaıy quttyqtaýyn mınıstr óziniń facebook-paraqshasynda jarııalady.
«Qurmetti Temirtas Berikuly!Sizdi bokstan Belgradtaǵy XXI Álem chempıonatynda jeńiske jetýińizben shyn júrekten quttyqtaımyn!Siz álemniń myqtylary bas qosqan dúbirli dodada ózgeshe tehnıkalyq sheberligimen, taktıkalyq saýattylyǵymen, jeńiske degen muqalmas erik-jigerimen óz salmaǵynda top jarǵan daryndy bylǵary qolǵap sheberisiz. Serbııa tórindegi tartysty, shıeleniske toly barlyq jekpe-jekti óz paıdańyzǵa aıaqtap, tarıhy tereń, ózindik dástúri qalyptasqan qazaq boks mektebi – jer júzi moıyndaǵan myqtylar ordasy ekenin taǵy bir mərte pash ettińiz.Sizdiń búgingi jetistigińiz baıtaq otanymyzdyń túkpir-túkpirindegi órenderdiń sportqa, onyń ishinde boks ónerine degen qushtarlyǵyn arttyra berýine tilektespin.Aldaǵy ýaqytta da sharshy alań tórinde ysylǵan sportshy retinde talaı synda tuǵyrly kók baıraǵymyzdy bıikte jelbiretip, aıbarly ənuranymyzdy shyrqata berińiz. Laıym osy jolda eńbegińiz berekeli bolyp, qajyr-qaıratyńyz arta bersin», deıdi Raıymqulova.
Sondaı-aq mınıstr Mahmud Sabyrhanǵa da izgi tilegin joldady.
«Qurmetti Mahmud Sabyrhan!Sizdi bokstan Serbııada ótken XXI Álem chempıonatynyń kúmis júldegeri atanýyńyzben shyn júrekten quttyqtaımyn!Siz Belgradtaǵy básekede aqyl-oıdyń, qajyr-qaırattyń jarqyn úlgisin kórsetken sheber boksshysyz. Aqtyq synda bar kúshińizdi salyp, qarsylaspen teń dárejede judyryqtastyńyz.Laıym rıngtegi epti qımyl-qozǵalysyńyzben, ójettiligińizben kózge túsip, qalyń jankkúıerdi qýanta berýińizge tilektespin. Aldaǵy ýaqytta da talaı synda tuǵyrly kók baıraǵymyzdy bıikte jelbiretip, aıbarly ənuranymyzdy shyrqata berińiz. Laıym osy jolda eńbegińiz berekeli bolyp, qajyr-qaıratyńyz arta bersin», deıdi Mádenıet jáne sport mınıstri.