Áýesqoı bokstan Serbııa astanasy Belgrad qalasynda ótken álem chempıonaty máresine jetti. Baıraqty básekede jalpykomandalyq esepte Kýba quramasy top jarsa, Qazaqstan ekinshi orynǵa turaqtady, dep habarlaıdy Egemen.kz.
Bul dodaǵa álemniń júzden astam memleketinen shamamen 650 boksshy qatysty. Ulttyq quramalardyń qamtylýy jáne boksshylardyń sany jaǵynan Serbııada uıymdastyrylǵan jahandyq doda buǵan deıingi álem chempıonattaryn qosa eseptegende ekinshi kórsetkish. Álem chempıonatynda Qazaqstan quramasy 2 altyn, 2 kúmis, 1 qola júlde ıelengenin aıta ketken jón.
Álem chempıonaty aıaqtalǵannan keıin AIBA ulttyq quramalardyń reıtıngin jarııalady. Shamasy shırek fınalǵa deıin 10 boksshymyzdyń jetkeni eskerilgen bolýy kerek, bul reıtıngte Qazaqstan quramasy top bastady.