Bıylǵy 1 qarashada Memlekettik eńbek ınspektorlary respýblıkadaǵy 847 kásiporyn 21,9 myń jumyskerge 5 mlrd teńgeden astam jalaqysyn bermegenin anyqtady, dep jazady Egemen.kz QR Eńbek jáne halyqty áleýmettik qorǵaý mınıstrliginiń baspasóz qyzmetine silteme jasap.
Osy kásiporyndardyń basshylaryna oryndalýy mindetti 918 nusqama berilip, 118,9 mln teńgeden astam somaǵa aıyppul salyndy. Qabyldanǵan sharalar, sonyń ishinde jalaqy boıynsha bereshekti óteýdiń qatań kesteleri men merzimderin belgileý nátıjesinde 20,6 myńnan astam jumyskerdiń quqyqtary qorǵaldy. Olarǵa 4,9 mlrd teńge tólendi.