Almatyda turǵyn úı keshenderiniń birinde boıjetkendi óltirip, órtep jiberdi degen kúdikke ilingen jigit ustaldy, dep habarlaıdy Egemen.kz.
Almaty qalalyq Polısııa departamenti baspasóz qyzmetiniń habarlaýynsha, kúdikti ustalyp, qamaýǵa alyndy.
«S. esimdi kúdikti Almaty qalasynyń mańynda ustaldy. Qylmystyq is júrgizý kodeksiniń 128-baby boıynsha ol ýaqytsha ustaý ızolıatoryna qamaldy. Keshendi tergeý jumystary jalǵasyp jatyr», dedi Medeý aýdandyq polısııa basqarmasynyń bastyǵy Dáýren О́tebaev.
Eske salaıyq, bul aqparat áleýmettik jelilerde taraǵan bolatyn. «Almatyda Dostyq 138, «Latıfa» turǵyn úı kesheninde qyzdy ótirdi. Aldymen býyndyryp óltirip, artynan órtep jibergen. Bul týraly úndemeı qalmańyz! Qazir ýchaskelik polıseıler onyń jezókshe bolǵanyn aıtyp jatyr», delingen jazbada.
Polısııa departamenti jábirlenýshiniń jeńil júristi áıel ekendigi týraly aqparat shyndyqqa janaspaıtynyn aıtqan bolatyn.