Almatyda ekpe saldyrmaǵandarǵa saýda ortalyǵyna kirýge tyıym salý máselesi qarastyrylmaıdy. Bul týraly qalalyq sanıtarlyq-epıdemıologııalyq baqylaý departamenti basshysynyń orynbasary Sádýaqas Baıǵabylov aıtty, dep habarlaıdy Egemen.kz.
Baıǵabylovtyń aıtýynsha, Ashyq-taǵy mártebesi beıtarap «kók» adamdarǵa jumys kúnderi saýda ortalyǵyna kirýge tyıym salý josparlanbaıdy. Ol tek demalys kúnderi saqtalady.
«Demalys kúnderi «jasyl» mártebesi barlarǵa ǵana nysandarǵa kirýge ruqsat etiledi, al jumys kúnderi «kók» jáne «jasyl» statýsy barlarǵa ruqsat beriledi», dedi Sádýaqas Baıǵabylov.
Aıta keteıik, 4 qarashada Almaty qalasy Kásipkerler palatasy dırektorynyń orynbasary Saltanat Lesbaeva COVID-19 taralýyna jol bermeý jónindegi vedomstvoaralyq komıssııa osy máseleni talqylap jatqanyn aıtqan bolatyn. Saýda ortalyǵyna jumys kúnderi tek Ashyq júıesinde «jasyl» mártebesi barlarǵa, ıaǵnı ekpe alǵandarǵa ǵana kirýge ruqsat berý usynylǵan.