Memleket basshysyna sot júıesin jańǵyrtý jumystary jóninde málimet berildi, dep habarlaıdy Egemen.kz Aqordanyń resmı saıtyna silteme jasap.
Joǵarǵy sot tóraǵasy Memleket basshysyna Ákimshilik rásimdik-prosestik kodeks kúshine engennen keıingi 4 aı ishindegi nátıjeler týraly baıandady. Onyń aıtýynsha, jańa kodekstiń engizilýi sheneýnikterdiń tártibin kúsheıtýge baǵyttalǵan.
Qabyldaý barysynda, Jaqyp Asanov Prezıdentke daý-janjaldardy sheshýdiń balamaly tásilderin engizý, sybaılas jemqorlyqqa qarsy jańa jobalardy ilgeriletý, birkelki sot tájirıbesin jáne qylmystyq proseste taraptardyń shynaıy jarysyn qamtamasyz etý jóninde egjeı-tegjeıli aıttyp berdi.
Qasym-Jomart Toqaev júrgizilip jatqan reformalardyń zań ústemdigin tolyq qamtamasyz etýi, azamattardyń quqyqtarynyń qorǵalý deńgeıiniń artýyna septigin tıgizýi jáne bıliktiń sot tarmaǵyna degen qoǵamnyń senimin kúsheıtýi qajet ekenin atap ótti.