Jańadan jetkizilgen Pfizer vaksınasy balalarǵa, júkti áıelderge jáne bala emizetin analarǵa ǵana salynady. Bul týraly Almaty qalasynyń sanıtarııalyq-epıdemıologııalyq baqylaý departamenti basshysynyń orynbasary Ásel Qalyqova aıtty, dep habarlaıdy Egemen.kz.
Onyń aıtýynsha, DDSU maquldaǵan Pfizer vaksınasy elge jetkizilip, ony emhanalar arasynda bólý jumystary júrgizilip jatyr.
Osylaısha, erteńnen bastap balalarǵa Pfizer vaksınasy salyna bastaıdy.
«Atalǵan vaksına úsh kategorııaǵa bólingen. Ol 12-18 jasqa deıingi balalarǵa, júkti áıelderge (16-30 apta) jáne bala emizetin analarǵa ǵana salynady. Ázirge, halyqtyń basqa tobyna bul vaksına egilmeıdi», deıdi Ásel Qalyqova.
Departament basshysynyń orynbasary Pfizer vaksınasynyń bir qutysy alty adamǵa arnalǵanyn aıtty.