Rejısser Ádilhan Erjanovtyń «Sary mysyq» kartınasy «Shet tilindegi úzdik fılm» sanatyndaǵy «Oskar» kınojúldesine usynyldy, dep habarlaıdy Egemen.kz.
Fılm qazaqstandyq «Bonnı men Klaıdtyń» oqıǵasyn baıandaıdy. Bul qylmysqa barǵan jas Kermek pen joldan adasqan qyz Evanyń mahabbat tarıhy, erli-zaıyptylardyń arasyndaǵy qıyndyqtar men olardyń dushpandyq álemge qarsy turýy.
Kermektiń rólin reseılik akter Azamat Nıgmanov oınady, kórermen ony Alekseı Mızgırevtiń «Konvoı» jáne Andreı Shalopanyń «28 panfılovshylar» fılmderinen tanıdy.
Evanyń rólin jas qazaqstandyq aktrısa Kamılla Nuǵmanova oınady, ol buryn Narıman Tórebaevtyń «Úlken qalanyń balshyǵy» jáne Álisher Súleımenovtyń «Shatyrdaǵy bult» fılmderinde oınaǵan.
Oskar nomınanttary tizimin jarııalaý 2022 jyldyń 8 aqpanynda, al marapattaý rásimi 2022 jyldyń 27 naýryzynda ótedi.