Shymkentte sporttyq gımnastıkadan erler men áıelder arasyndaǵy Qazaqstan chempıonaty óz máresine jetti. Bul jarysta jergilikti órenderdiń mereıi ústem boldy.
Burymdylardyń básekesinde Kórkem Erbosynqyzynyń ónerine kórermender qulshyna qol soqty. Shymkenttik arý kerme jáne bórene jattyǵýlarynda aldyna jan salmaı, altynnan alqa taqty. Kópsaıystyń qorytyndysy boıynsha da Kórkemge teń keler eshkim tabylmady. Kúmis jáne qola medaldy almatylyq Anfısa Ivanova men taldyqorǵandyq Aleksandra Shametko ıelendi. Sondaı-aq Anfısa qoldy tirep sekirýde, al Aleksandra erkin jattyǵýda bas júldeni oljalady.
Erlerdiń kópsaıysynda shymkenttik Dıas Toıshybek top jarsa, onyń jerlesi Álisher Taıbazarov ekinshi oryndy enshiledi. Úshinshi orynda – Nur-Sultan qalasynyń ókili Dmıtrıı Patanın. Jekelegen jattyǵýlarda myna gımnasshylar jeńimpaz atandy: Erkin jattyǵý – Dmıtrıı Patanın, at pen qossyryq – Dıas Toıshybek, shyǵyrshyq – Aqbar Djalalı, kerme men qoldy tirep sekirý – Emıl Ahmedjanov.