Almatyda koronavırýsqa qarsy ujymdyq ımmýnıtet qala halqynyń 56 paıyzǵa jetti. Bul týraly brıfıng barysynda qalalyq sanıtarııalyq-epıdemıologııalyq baqylaý departamentiniń basshysy Jandarbek Bekshın málim etti, dep habarlaıdy Egemen.kz.
«Búgingi kúni qalada koronavırýsqa qarsy ujymdyq ımmýnıtet 56%-ǵa jetti. (vaksınasııalanǵandardyń 48% - y jáne aýyryp jazylǵan adamdardyń 8% - y), vaksınasııa qarqyny táýligine 0,1% - dy quraıdy. 2022 jyldyń mamyr aıynda, ıaǵnı 6 aıdan keıin 75% - ǵa qol jetkizetin bolamyz», dedi Jandarbek Bekshın.
Sonymen qatar, ol vaksınasııalanǵan jáne aýyryp jazylǵan adamdarda 6-9 aı ótkennen keıin antıdenelerdiń tómendeýi baıqalatynyn aıtty.
«Almatyda vaksınanyń eki komponentin alǵandar arasynda KVI – diń 2680 jaǵdaıy (vaksınasııanyń 21 kúninen keıin) jáne aýyryp jazylǵan adamdar arasynda KVI-diń 360 qaıtalama jaǵdaıy (aptasyna 10 jaǵdaı) tirkeldi, bul vaksınasııanyń baıaý qarqynymen qatar COVID-19 vırýsy delta shtamynyń mýtasııalanýy jáne indettiń jańa órshýine jaǵdaı jasaıdy. Vırýstyń kezekti mýtasııasynyń aldyn alý úshin vaksınasııalanǵan halyqty aǵymdaǵy jyldyń 22 qarashasynan bastap shuǵyl qaıta vaksınasııalaý qajet», dedi ol.