Ystanbul qalasynda Halyqaralyq Túrki akademııasynyń prezıdenti Darhan Qydyráli Ázerbaıjan Syrtqy ister mınıstri Djeıhýn Baıramovpen kezdesti, dep habarlaıdy Egemen.kz Túrki akademııasynyń baspasóz qyzmetine silteme jasap.
Túrkitildes memleketter yntymaqtastyǵy keńesi Syrtqy ister mınıstrleri keńesiniń 8-shi otyrysy aıasynda ótken kezdesýde mınıstr Djeıhýn Baıramov Túrki akademııasynyń qyzmetin joǵary baǵalap, onyń túrki memleketteri arasyndaǵy bilim, ǵylym jáne mádenıet salasyndaǵy yntymaqtastyqty damytýdaǵy rólin atap ótti. Túrki akademııasyna qatysty kópjaqty qujattarǵa qol qoıý prosesiniń aıaqtalýyna rızashylyǵyn bildire otyryp, Mınıstr budan keıin de uıymnyń belsendi jumys isteıtinine senim bildirdi. Sonymen qatar Ázerbaıjan tarapy Akademııaǵa osy baǵytta jan-jaqty qoldaý kórsetýge daıyn ekenin jetkizdi.
О́z kezeginde Halyqaralyq Túrki akademııasynyń prezıdenti Darhan Qydyráli Qarabaqtaǵy Jeńistiń bir jyldyǵymen quttyqtap, bul jeńis kúlli túrki áleminiń ortaq jeńisi ekenin aıtty. Sondaı-aq ol uıymnyń qyzmetine joǵary deńgeıde qoldaý kórsetkeni úshin alǵys aıtyp, júzege asyrylyp jatqan jáne josparlanǵan jobalar týraly habardar etti.
Kezdesý sońynda, Darhan Qydyráli Ázerbaıjan Syrtqy ister mınıstrine Túrki akademııasy basyp shyǵarǵan H ǵasyrda Qarahan memleketi tusynda kóne túrik tiline aýdarylǵan alǵashqy Quran kitabyn syıǵa tartty.
Taraptar basqa da máseleler boıynsha pikir almasty.