Rıo-de-Janeıro Olımpıadasynyń chempıony Danııar Eleýsinov 18 jeltoqsan kúni Nur-Sultan qalasynda IBO tujyrymy boıynsha álem chempıony ataǵyna talasatyny belgili. Qazaqstanda ótetin boks keshinde Danııarǵa qarsylas retinde ázirge úsh boksshy tańdaldy, dep habarlaıdy Egemen.kz.
Birinshi kezekte Danııardyń komandasy amerıkalyq Morıs Hýkerge nazar aýdaryp otyr. AQSh boksshysy 2018 jyly birinshi jartylaı orta salmaq dárejesinde WBO tujyrymy boıynsha álem chempıony ataǵyna deıin qol jetkizgen bolatyn. Keıin ol jartylaı orta salmaqqa aýysyp, Vırdjıl Ortısten nokaýtpen jeńildi.
Komanda Hýkermen kelise almaǵan jaǵdaıda taǵy bir amerıkalyq Hosesıto Lopespen kelisýge tyrysady. Lopestiń komandasymen kelissózder sátsiz aıaqtalǵan jaǵdaıda Danııardyń menedjerleri Sebastıan Formellany kóndirýge tyrysady. Bul da jaqsy nusqa ekeni daýsyz.
Qalaı bolǵan kúnde de jaqyn kúnderi osy úsh boksshynyń biri Danııar Eleýsinovtiń qarsylasy atanady. Jurttyń bári qazaq boksshysynyń bolashaqta Vırdjıl Ortıspen qolǵap túıistirgenin qalaıtynyn eskersek, qarsylas retinde Hýkerdiń tańdalǵany jón bolary sózsiz. Mundaı jekpe-jek ótken jaǵdaıda Danııardyń áleýetin tolyq kórýge múmkindik týmaq.