О́zbekstannyń ońtústiginde ornalasqan «Termez» óńirlik polıgonynda bıyl 17-24 qarasha aralyǵynda Qazaqstan men О́zbekstan elderiniń birlesken oqý-jattyǵýy ótpek, dep habarlaıdy Egemen.kz.
Birlesken manevrlerdiń maqsaty birlesken tapsyrmalardy sheshýde baýyrlas eki eldiń ózara is-qımyly men úılesimdilik deńgeıin arttyrý bolyp tabylady.
Elimiz tarapynan oqý-jattyǵýǵa 100-den asa áskerı qyzmetshi qatysyp, Sý-30SM kópfýnksıonaldy joıǵyshtar býyny, S-295 áskerı-kóliktik ushaqtar, taktıkalyq ushqyshsyz ushý apparattary jumyldyrylady.
Qazaqstan bólimsheleri oryndaıtyn oqý-jaýyngerlik tapsyrmalarynyń qataryna izdeý-barlaý operasııalaryn júrgizý, qarsylastyń tájirıbeli jasaqtaryn joıý kezinde jaýyngerlik qorǵaý bólimsheleriniń is-qımyldaryn pysyqtaý, shabýyl jasap zańsyz qarýlanǵan quralymdardy joıý, urys alańynan jaralylar men isten shyqqan tehnıkany kóshirý kiredi.