Sýmen qamtamasyz etý deńgeıin artyrý úshin kórsetkishteri tómen óńirlerge basym negizde qarajat bólinedi. Bul týraly QR Indýstrııa jáne ınfraqurylymdyq damý mınıstri Beıbit Atamqulov aıtty, dep habarlaıdy Egemen.kz.
«Búginde óńirlerde taza aýyzsýǵa qol jetkizý ártúrli deńgeıde. Aýyz sýmen qamtýdyń joǵary kórsetkishteri úsh oblysta: Atyraý (98,5%), Almaty (98,3) jáne Qyzylorda (97,6%) oblystarynda», dedi Beıbit Atamqulov.
Sondaı-aq, ol elimizdiń keıbir óńirlerinde artta qalýdyń bar ekenin qosty.
«Aýyl turǵyndaryn aýyz sýmen qamtýdyń eń tómengi deńgeıi tórt oblysta baıqalady: Qostanaı (64,7%), Shyǵys Qazaqstan (81,4%), Soltústik Qazaqstan (82,1%) jáne Jambyl (82,2%) oblystarynda», dep túsindirdi Beıbit Atamqulov.