Qazaqstan Respýblıkasynyń Prezıdenti Qasym-Jomart Toqaev aýyl ákimderin tikeleı saılaýdy engizýdiń tıimdiligine baǵa berdi, dep habarlaıdy Egemen.kz.
«Inklıýzıvti qoǵamdy odan ári qurý úshin men partııalardyń saılaý tizimderindegi kvota sanattarynyń tizbesin erekshe qajettilikteri bar adamdardy qosý úshin keńeıtýdi usyndym», dedi Qasym-Jomart Toqaev Ulttyq qoǵamdyq senim keńesiniń otyrysynda.
Memleket basshysy atap ótkendeı, aýdandyq mańyzy bar qalalardyń, aýyldardyń, kentterdiń jáne aýyldyq okrýgterdiń ákimderin tikeleı saılaýdyń engizilýi qoǵamdy demokratııalandyrý jolyndaǵy úlken qadam boldy.
«Bıyl elimizde 800-den astam aýyl ákimi saılandy. Osy saılaý nátıjesinde tizim eki esege jańartyldy. Partııalardyń belsendiligi, ózin-ózi usynǵan kandıdattardyń kóptigi jáne saılaýshylardyń joǵary belsendiligi bul reformanyń ýaqytylyǵy men ózektiligin kórsetti», dep túıindedi sózin Memleket basshysy.