2021 jylǵy toǵyz aıda Qazaqstannan 25,3 myń adam kóship ketti, dep habarlaıdy Egemen.kz Ulttyq statıstıka bıýrosyna silteme jasap.
Kóshi-qon qyzmeti organdary usynǵan málimetterge sáıkes, bıylǵy qańtar-qyrkúıek aralyǵynda elge turaqty turýǵa 7246 adam kóship kelse, 25 322 azamat elimizden kóship ketken. Kóshi-qonnyń aıyrymy - 18076 adamdy qurady. Kóshi-qon almasýy negizinen TMD memleketteri ishinde bolyp jatyr.
«TMD elderinen kelgenderdiń jáne sol elderge ketkenderdiń kóship-qonýshylardyń jalpy sanynan úlesi 84,2% jáne 86,0% qurady», dep jazylǵan statıstıkalyq málimette.
Al el ishinde qonys aýdaratyndar sany byltyrǵy qańtar-shildemen salystyrǵanda 0,2%-ǵa artqan. О́ńiraralyq qonys aýdarý boıynsha halyq kóshi-qonynyń oń aıyrymy elimizdiń 4 óńirinde baıqaldy: Almaty (22346 adam), Nur-Sultan (21718 adam), Shymkent (9568 adam) qalalarynda jáne Mańǵystaý oblysynda (248 adam).