2021 jyldyń jeltoqsan aıynda О́zbekstanda jalpyulttyq konstıtýsııalyq emtıhan ótedi, dep jazady Egemen.kz uza-ǵa silteme jasap.
Eldiń Ádilet mınıstrliginiń málimetine qaraǵanda, mınıstrlik Konstıtýsııalyq sotpen birlesip, azamattardyń Konstıtýsııany bilý deńgeıin tekserý úshin jalpyulttyq konstıtýsııalyq emtıhan ótkizbek.
Emtıhanǵa 15 jastan asqan barlyq azamat qatysa alady jáne ol erikti túrde, tegin sonymen qatar barlyǵyna ashyq bolmaq. Josparǵa saı emtıhan eki kezeńmen uıymdastyrylady. Birinshi kezeń 1 jeltoqsan kúni Tashkent ýaqytymen saǵat 9:00-den 13:00-ge deıin onlaın rejımde ótedi. Osy aralyqta qatysýshylarǵa 20 test suraǵy jáne 1 shyǵarmashylyq suraq beriledi. Ekinshi kezeń Konstıtýsııa kúni qarsańynda ótip, onlaın translıasııalanady. Ár qatysýshyǵa 10 suraq qoıylady.
Sońynda eń joǵary nátıje kórsetken 3 qatysýshy jeńimpaz atanady. Jeńimpazdar aqshalaı syılyqpen marapattalady: I oryn – 15 mıllıon sým (602 409 teńge); II oryn – 10 mıllıon sým (401 606 teńge); III oryn – 5 mıllıon sým (200 803 teńge).