Qazaqstan jáne Ońtústik Koreıa Respýblıkasy arasyndaǵy kelisimge oraı «Agroýnıversıtet» oqý-tájirıbelik sharýashylyǵy bazasynda ashylǵan 1 gektar alqaptaǵy «Aqyldy jylyjaıda» jylyna 450 tonnaǵa jýyq kókónis ósiriletin bolady. Taıaýda ashylǵan jylyjaı smart tehnologııalardyń kómegimen basqarylyp, óndiristik qýatty alqapta ósken ónimder saýda oryndaryna jóneltilmek.Qazaqstan jáne Ońtústik Koreıa Respýblıkasy arasyndaǵy kelisimge oraı «Agroýnıversıtet» oqý-tájirıbelik sharýashylyǵy bazasynda ashylǵan 1 gektar alqaptaǵy «Aqyldy jylyjaıda» jylyna 450 tonnaǵa jýyq kókónis ósiriletin bolady. Taıaýda ashylǵan jylyjaı smart tehnologııalardyń kómegimen basqarylyp, óndiristik qýatty alqapta ósken ónimder saýda oryndaryna jóneltilmek.
Smart-jylyjaı aýa raıynyń jańbyrly, qarly kúnderine tózimdi. Munda aýa temperatýrasy, ylǵaldylyq pen kún sáýlesi smartfon arqyly baqylanady. Bul óz kezeginde fermerlerge óndiris kólemin ulǵaıtyp, jumys kúshi shyǵynyn azaıtýǵa múmkindik beredi.
Qanatqaqty jobanyń áleýetin ýnıversıtet stýdentteri keńinen paıdalanyp, agrotehnıkanyń zamanaýı jetistikterin ıgermekshi. «Aqyldy jylyjaıdyń» ashylý saltanatyna qatysqan Aýyl sharýashylyǵy mınıstri Erbol Qarashókeev munda elimizdiń aýyl sharýashylyǵy salasyna qajetti mamandar daıarlanatynyn jetkizdi. Iаǵnı oqý-tájirıbelik sharýashylyqta ınnovasııalyq jylyjaıdy paıdalaný arqyly stýdentter kókónis daqyldaryn ósirý tehnologııasyn is-tájirıbede ıgerip, aýyl kásipkerlerine smart tehnologııalarmen baılanysty semınar-trenıngter ótkizilmek. Al ǵalymdar agrotehnıkalyq, uıymdastyrý-sharýashylyq jumystarmen qatar ǵylymı-zertteýler júrgizip, kókónis daqyldarynyń ártúrli surpynyń fenologııalyq fazalaryna monıtorıng jasaıdy.
Akademık Tilektes Espolov búginde elimizdiń aýyl sharýashylyǵyn damytý úshin agrarlyq ǵylymdy óndirispen baılanystyra otyryp damytýdyń mańyzdylyǵyn atap ótti. Ońtústik Koreıa Respýblıkasynyń tájirıbesindegi «aqyldy» ınnovasııalyq tehnologııalar arqyly kókónis ósirý ádisin otandyq óndiriske engizý taıaý keleshekte bul baǵytta sony serpiliske yqpal etetini sózsiz.
Innovasııalyq jylyjaı qurylysyn bastaý týraly kelisim 2019 jyly elordada ótken Qazaqstan-Ońtústik Koreıa bıznes-forýmynda jasalǵan bolatyn. Osy yqpaldastyq aıasynda ótken jyly Ońtústik Koreıa Respýblıkasynyń Aýyl sharýashylyǵy tehnologııalaryn kommersııalandyrý jáne engizý qory men QazAUÝ «Agroýnıversıtet» oqý-tájirıbelik sharýashylyǵy bazasynda «Aqyldy jylyjaı» ashý jáne paıdalaný týraly kelisim jasalyp, ınvestısııanyń negizgi bóligi sheteldik áriptester tarapynan jumsalyp otyr.
ALMATY