Orta salmaq dárejesinde baq synap júrgen qazaqstandyq kásipqoı boksshy Jánibek Álimhanuly ózin atalmysh salmaqtyń patshasyna teńedi, dep habarlaıdy Egemen.kz.
«Hassan Ndam Njıkam – sózsiz jaqsy boksshy. Onyń burynǵy álem chempıony ekeni barshaǵa málim. Boksshy talaı jaqsy qarsylastarmen judyryqtasty. Biraq men múlde basqamyn, ony bári biledi.
Qazaq – álemdegi úzdik stıl. Bul jekpe-jek kásibı mansabymdaǵy eń jeńil kezdesý bolatyny ras. Orta salmaq dárejesinde bir ǵana patsha bar. Ol – menmin» dedi Jánibek Álimhanuly óz oıyn bildirip.
20 qarasha kúni Las-Vegasta ótetin boks keshinde Jánibek fransııalyq Hassan Ndam Njıkammen qolǵap túıistiredi. Jekpe-jek Qazaqstan ýaqytymen 21 qarashanyń tańynda qazaqstandyq telearnalardan tikeleı efırde kórsetilmek.