Qolaısyz aýa raıy saldarynan Jambyl oblysynda 49 adam medısınalyq kómekke júgindi. Bul týraly oblystyq Densaýlyq saqtaý basqarmasy málimdedi, dep habarlaıdy Egemen.kz.
Vedomstvo málimetinshe, Taraz qalalyq aýrýhanasyna 41 naýqas túsken. Olardyń tórteýi aýrýhanaǵa jatqyzylyp, qalǵandary dáriger teksergennen keıin úıine jiberilgen.
«Tórt bala oblystyq balalar aýrýhanasyna jatqyzylǵan, onyń úsheýi emdelýge qalyp, bireýi ambýlatorlyq em alýǵa úıine jiberildi», delingen habarlamada.
Medısınalyq kómek alý úshin Baızaqov aýdandyq aýrýhanasyna da tórt adam júgingen: bireýi aýrýhanaǵa jatqyzyldy, úsheýi dárigerler baqylaýymen úıine shyǵarylǵan.
«Kómekke júgingen naýqastardyń kópshiliginiń basy, qoly men aıaǵy kógergen. Sonymen qatar tereze men qorshaýlar qulap, saldarynan basqa da jaraqat alǵandar bar», dedi vedomstvo ókilderi.