Búgin Aıagóz qalasy men Ulan aýdany Besterek aýylynda qatty jeldiń ekpini saldarynan ǵımarattardyń shatyry qulady. Qaza bolǵandar men zardap shekkender joq, dep habarlaıdy Egemen.kz ShQO TJD baspasóz qyzmetine silteme jasap.
18 qarashada oblysta daýyldy eskertý jarııalanǵan.
«Jeldiń ekpini kezinde bılbordtardyń, avtobýs aıaldamalarynyń, aǵashtardyń, elektr jelileriniń, metall qorshaýlardyń artyna tyǵylmańyz. Avtokólikterdi aǵashtardyń astyna qaldyrmańyzdar. Tótenshe jaǵdaılar týyndaǵan kezde «112» nómirine qońyraý shalyńyz», dep eskertedi TJD.