AQSh-tyń qurlyq kúshterindegi ekpe almaǵan áskerı qyzmetkerlerdi qyzmette kóterýge tyıym salyndy, dep habarlaıdy Egemen.kz.
Iá, AQSh qurlyq kúshteriniń qolbasshylyǵy koronavırýsqa qarsy vaksınasııalaýdan bas tartqan áskerı qyzmetshilerdiń laýazymdyq kelisimshartyn uzartýǵa jáne olardy qyzmette kóterýge tyıym salǵany týraly eldiń Qorǵanys mınıstrligi málimdedi.
Komandır Krıstıan Vormýttyń buıryǵyna saı, ekpeden bas tartqandardyń jeke isterin arnaıy belgimen belgileý talap etildi. Qysqasy, vaksınadan bas tartqandardyń mansaptyq bolashaǵyna daq túsýi yqtımal. Sondaı-aq oqý járdemaqysynan jáne syıaqy alý quqyǵynan avtomatty túrde aıyrylady.
Sońǵy derekterge sensek, qurlyq áskerleriniń jeke quramynyń shamamen 67%-y koronavırýsqa qarsy tolyǵymen egildi, al qurlyq áskerleriniń Ulttyq gvardııasy úshin bul kórsetkish 51,84% shamasynda.