Nur-Sultan qalasyndaǵy qalalyq Nur-Astana meshiti ǵulama Ábý Nasyr ál-Farabı esimimen atalady, dep habarlaıdy Egemen.kz.
Bul týraly Ulysmedia.kz saıty jazady.
Nur-Sultan qalasyndaǵy 15 jyldyq tarıhy bar «Nur Astana» meshitiniń ataýyn ózgertý týraly usynysty Ǵulamalar keńesi bergen bolatyn. Bul usynys Qazaqstan musylmandary dinı basqarmasynyń kezekten tys tóralqa májilisinde talqylanyp, QMDB bólim basshylary, oblys ımamdary men Ortalyq apparat qyzmetkerleri meshit ataýynyń ózgerýin qoldap, daýys berdi.
Nátıjesinde meshit endigi tańda oıshyl Ábý Nasyr ál-Farabı esimimen atalady. 2005 jyldyń 2 naýryzynda ashylǵan meshit astanadaǵy Esil aýdanynda ornalasqan.
Meshit Katar memleketiniń Ámiri sheıh Hamad bın Halıfa ál-Sánıdyń qaıtarymsyz syı retinde bólgen qarjysyna turǵyzylǵan bolatyn. Ortalyqtyń ashylýyna sol tustaǵy memleket basshysy Nursultan Nazarbaev qatysyp, Qaǵba men Quran beınelengen, súreler túsirilgen japqyshty syıǵa tartty.