Úsharal - Dostyq tasjoly boran men joldyń nashar kórinýiniń saldarynan jabyldy, dep habarlaıdy Egemen.kz.
20 qarashada saǵat 14.30-da Almaty oblysynda aýa raıynyń nasharlaýyna baılanysty Úsharal-Dostyq avtojolynda, 83-184-shi shaqyrymda, Kóktuma stansııasy - Dostyq stansııasy ýchaskesinde avtokóliktiń barlyq túri úshin qozǵalysqa shekteý engizildi.
«Tótenshe jaǵdaılarǵa jol bermeý jáne qaýipsizdik úshin avtomobıl júrgizýshilerine alys sapardan aýlaq bolýǵa keńes beriledi. Shtattan tys jaǵdaılar týyndaǵan jaǵdaıda 1403 nómirine call-ortalyqqa habarlasa alasyz», dedi vedomstvo ókilderi.