Qaraǵandylyq 41 maıdanger jáne tyl ardageri keshe qalanyń ádemi bir tusynda ózderine arnalyp salynǵan kóp qabatty úıge qonys aýdardy. Olardyń árqaısysyna oblys basshysy Serik Ahmetov eki jáne úsh bólmeli páterlerdiń kiltin tapsyrdy.
Aldy toqsannan asqan, sońy jetpisti alqymdaǵan qarttardy jańa meken-jaılar jarqyraǵan jıhazdarymen, turmystyq zattarmen, baılanys quraldarymen qarsy aldy. Bulardy demeýshiler tartý etti.
Munda Sultan Amanbaev, Sátbek Elamanov, Nıkolaı Prosenko, Grıgorıı Neıman, Qasen Túspekovter bastaǵan ardagerler budan bylaı qaraı birge turady. “Jas ulǵaıǵan shaqta jaıly páterde turý kópten bergi oıym edi. О́zi qolaıly jerge ornalasqan eken. Dúkender de, emhana da jap-jaqyn. Osynyń bárin oılastyryp, jaǵdaıymyzdy qaraılastyrǵan azamattarǵa alǵysym sheksiz”, degen Zeınepar Bilálov aqsaqaldyń júrekjardy sózin onymen qosa qýanysh bólisýshiler munyń ózi Elbasynyń qamqorlyǵy arqasynda ekenin atap, rızalyqtaryn bildirdi.
Oblystyń basqa qalalary men aýdandarynda da birneshe soǵys jáne tyl ardagerleriniń otbasylary osyndaı jańa páterlerge ıe boldy.
Aıqyn NESIPBAI.
Qaraǵandy oblysy.