Eki fýtbol Federasııasy arasyndaǵy kelissózder barysynda tıisti ýaǵdalastyqqa qol jetkizildi, dep habarlaıdy Egemen.kz QR Ulttyq Olımpıada komıtetine silteme jasap.
Eýro-2022 chempıonatyna daıyndyq aıasynda Qazaqstan quramasy bas bapker Rıkardo Kakanyń basshylyǵymen О́zbekstan quramasyna qarsy eki joldastyq kezdesý ótkizedi.
Oıyn 2021 jyldyń 14 jáne 15 jeltoqsanynda elordadaǵy Jaqsylyq Úshkempirov atyndaǵy jekpe-jek saraıynda ótedi. Kezdesý 19:00-de bastalady.
Eske sala ketsek, Qazaqstan 19 qańtar men 6 aqpan aralyǵynda Nıderlandyda ótetin Eýro-2022 chempıonatyna qatysady. Qazaqstandyqtardyń V tobyndaǵy qarsylastary Slovenııa, Italııa jáne Fınlıandııa bolady.