Demalys kúnderi Almaty oblysynyń qutqarýshylary qar qursaýynda qalǵan 9 adamdy qutqardy, dep habarlaıdy Egemen.kz.
Eki jaǵdaı Alakól aýdanynda tirkelse, bir shaqyrtý Kerbulaq aýdanynan túsken,
Almaty oblystyq Tótenshe jaǵdaılar departamentiniń baspasóz qyzmeti taratqan habarlamaǵa sáıkes, Úsharal-Dostyq jolynyń Jalańashkól ýchaskesinde qalǵan avtokólikte úsh adam bolǵan. Olardyń bireýi – bala.
Al, Kóktuma aýylynan 15 shaqyrym jerde traktor qalyń qarda qalyp qoıǵan. Onyń ishinde eki adam otyrǵan. Alakól aýdany jedel qutqarý jasaǵynyń qyzmetkerleri olardy Kóktuma eldi mekenine evakýasııalady. Al tórt adam mingen «Toyota Hilux» avtokóligi Kerbulaq aýdany, Qoıankóz aýyly mańynda qalyń qardan óte almaǵan. Saryózek órt sóndirý bóliminiń mamandary olardy Júzasý qystaǵyndaǵy sharýa qojalyqtarynyń birine jetkizdi.
Qutqarýshylardyń kómegine muqtaj bolǵan 9 adamnyń barlyǵy aman.