QR Syrtqy ister mınıstrligi BUU Esirtki jáne qylmys jónindegi basqarmasymen birlesip, BUU Esirtki jáne qylmys jónindegi basqarmasynyń dırektory, BUU Vena bólimshesiniń Bas dırektory – Gada Fathı Valı hanymnyń sapary aıasynda «Qaqtyǵys aımaqtarynan qaıtarylǵan azamattardy, olardyń otbasy múshelerin qylmystyq qýdalaý, ońaltý jáne reıntegrasııalaý máseleleri boıynsha joǵary deńgeıdegi dıalog. Qazaqstan Respýblıkasynyń tájirıbesi» taqyrybynda dóńgelek ústel ótkizdi.
QR AQDM Din isteri komıteti tóraǵasynyń orynbasary Baýyrjan Bákirov «Jýsan» operasııasy aıasynda terrorıstik belsendi aımaqtardan qaıtarylǵan azamattardy ońaltý jáne reıntegrasııalaý jaǵdaıy týraly baıandama jasady.
Is-sharaǵa QR Prezıdentiniń kómekshisi Erlan Qarın, Syrtqy ister mınıstriniń orynbasary Aqan Rahmetýllın, memlekettik organdardyń ókilderi, halyqaralyq uıymdar men dıplomatııalyq mıssııalardyń músheleri qatysty. Moderator retinde QR Adam quqyqtary jónindegi ýákili Elvıra Ázimova boldy.
Eske sala ketsek, 2019 jyly azamattarymyzdy terrorıstik belsendi aımaqtardan qaıtarý boıynsha «Jýsan» gýmanıtarlyq operasııasy bastaldy. Operasııa nátıjesi boıynsha búgingi kúni elge 700-den astam azamat oraldy, olardyń basym bóligi - áıelder men balalar.