WBO tujyrymy boıynsha jartylaı orta salmaq dárejesindegi álem chempıony Terens Kroýford aldaǵy jekpe-jekterin basqa promoýterlik uıymnyń qol astynda ótkizýge nıetti. Ol Bob Arým basqaratyn Top Rank promoýterlik uıymynan ketti, dep habarlaıdy Egemen.kz.
21 qarasha kúni otandasy, amerıkalyq Shon Porterdi onynshy raýndta tehnıkalyq nokaýtpen jeńgen Terens Kroýford jekpe-jekten keıingi baspasóz máslıhatynda óziniń kásibı mansabyna qatysty bolashaq josparymen bólisti.
«Bob birge jumys istep júrgen kezimizde meni rıngte Errol Spenspen kezdestire almady. Ol endi qalaı maǵan kóktemde keremet boks keshin uıymdastyrmaq? Boks keshin men onymen kelisimshartty buzǵan soń ótkizbekshi me? Men sheshim qabyldadym. Endi biz birge emespiz», dedi ol.
Terens Kroýford óz salmaǵyndaǵy basqa chempıondarmen qolǵap túıistirgisi keledi. Errol Spens jáne Iordenıs Ýgasqa qarsy rıngke kóterilip, kásipqoı bokstaǵy úlken shaıqastarda jeńiske jetýden úmitti.