2021 jyldyń 2 jeltoqsanynda onlaın formatta Almaty qalasynyń ákimdigi uıymdastyrǵan Almaty Investment Forum 2021 ótedi.
Almaty Investment Forum 2021 – kásipkerlikti damytý jáne qalanyń ınvestısııalyq tartymdylyǵyn arttyrý, Qazaqstannyń ekonomıkalyq básekege qabilettilik ortalyǵy retinde Almaty qalasyn damytýdyń basym baǵyttary men quraldaryn, sondaı-aq aglomerasııa, ýrbanızasııa, sandyq transformasııa jáne adamı kapıtaldyń ıntegrasııasyna qatysty máselelerdi talqylaýǵa arnalǵan negizgi ınvestısııalyq forým.
AIF 2013 jyldan beri ótkizilip keledi jáne memlekettik sektor kóshbasshylarynyń, Qazaqstan Respýblıkasynyń jáne kórshiles elderdiń orta jáne iri bıznes ókilderiniń, ınvestısııa, ınnovasııa jáne bıznes, ınvestısııalyq qorlar jáne tikeleı ınvestısııa qorlary salasyndaǵy álemdik kóshbasshylarynyń kezdesýine arnalǵan eksklıýzıvti alań bolyp tabylady. Bıylǵy jyly is-shara karantındik sharalarǵa baılanysty onlaın rejıminde ótedi, alaıda bul onyń qamtylýy men tanymaldylyǵyn shektemeıdi. 2020 jyly forým 500-den astam qatysýshyny jınady.
Forýmnyń basty sharalary:
Almaty qalasynyń ákimi Baqytjan Saǵyntaev «Almaty qalasynyń strategııalyq syn-qateri jáne basymdyqtary» taqyrybyna sóz sóıleıdi; Qala ákimderimen «Jańa Jibek jolynyń Mega qalasy» telekópirin ótkizý; Sarapshylar men qazaqstandyq jáne shetel kompanııalarynyń iri ókilderiniń qatysýymen paneldi pikirtalastar; Almaty qalasynyń ozyq jobalary men bastamalary usynylatyn «Jyl jobalary» kórmesi; Bıznes megatrendteri men qala bastamalary boıynsha sarapshylardyń baıandamalary; Memorandýmǵa qol qoıý rásimi.www.aif21.kz resmı saıtynda siz tirkeýden ótip, Almaty Investment Forum 2021 baǵdarlamasymen tanysa alasyz.