О́ńirlik kardıohırýrgııalyq ortalyq júrekke 2435 ota jasady

О́tken jyly oblys orta­lyǵynan О́ńirlik kardıo­hı­rýrgııalyq ortalyq ashylǵan edi. Bul atalýyna saı Pavlodar jáne Shyǵys Qazaqstan oblys­tarynyń turǵyndaryna qyzmet kórsetedi. Júrekke kúrdeli ota­lar jasalady. Barlyq bólim­sheleri zerthanalar, dıag­nos­tıkalyq zertteýler sońǵy úlgidegi medısınalyq qural-jabdyqtarmen jaraqtalǵan. Eń bastysy, kardıohırýrgııalyq ortalyq ujymy – jas dárigerler, ıaǵnı olardyń ortasha jasy 28 jasty quraıdy. О́tken jyly Elbasy Nursultan Nazarbaev ózi kelip kórip, jas kardıohırýrg dárigerlermen júzdesken bolatyn. Mamandardyń bar­lyǵy Lıtva, Izraıl, Reseı, Belarýs jáne elimizdiń je­tek­shi kardıohırýrgııalyq ortalyqtarynda bilimderin jetildirip qaıtty. О́tken jyly júrekke 2435 ota jasalsa, onyń 185-si balalar edi. Sonyń ishinde 959-yna júrekke ashyq túrde ota jasaý ádisi qoldanyldy. Bul árıne, medısınaǵa kelgen jańa ozyq tehnologııalardyń, ınnovasııalardyń, bizdiń dá­riger mamandarymyzdyń qol jetkizgen jetistigi. Ortalyqtyń kardıolog jáne kardıohırýrg dárigerleriniń biliktiligin arttyrý, praktıkalyq jáne ádistemelik kómek kórsetý maqsatynda eli­mizdiń Bas kardıohırýrgi, professor Iý.V.Pıa, mınskilik professor, Iý.Ostrovskıı, lıt­valyq professorlar sheberlik synyptaryn ótkizdi. Sheberlik-sabaqtar sheńberinde 92 adamǵa júrekke, sonyń ishinde 25 balaǵa ota jasaldy. Bári sátimen boldy. Tek dárigerler ǵana emes, medısınalyq orta býyn ókil­deri de Izraıldiń Rehovot qalasyndaǵy «Kaplan» aýrýhanasy janyndaǵy medbıkeler mektebinde bolyp, tájirıbe almasty. Júrekterine ota jasaǵan naýqastarǵa durys kútim jasaýdy kórip, bilip qaıtty. Ortalyqtyń kardıolog dári­gerleri men kardıohırýrgteri Semeıge, О́skemenge baryp, oblys boıynsha 200 naýqasqa keńes berildi. О́tken jyly ortalyqta Shyǵys Qazaqstan oblysynan – 107 naýqas, sonyń ishinde 50 bala kardıohırýrgııalyq em qabyldady. Olardyń 63-ne (sonyń ishinde 35 balaǵa) júrekke ashyq tásilmen ota jasaldy. Ortalyqtyń bas dárigeri Oraz Muqashevtiń aıtýynsha, ınnovasııa aýrýhanalarǵa keldi, júrekke ota jasaıtyn hırýrgterdiń kóbi qazaq jastary. «Aldaǵy ýaqytta kardıo­hı­rýrgııalyq ortalyqtyń josparynda júrekke 2700 ota jasaý mindeti tur. Iаǵnı osynshama adamnyń ómirin saqtap qalý bizdiń qolymyzda tur degen sóz», deıdi O.Muqashev. Farıda BYQAI, «Egemen Qazaqstan». Pavlodar.