Made in Nur-Sultan ónimderiniń jármeńkesi ótti

«Bastaý Bıznes» jobasy Nur-Sul­tan qalasynda 2019 jyldan bas­tap «Eńbek» nátıjeli jumyspen qam­­tý jáne jappaı kásipkerlikti damy­týdyń 2017-2021 jyldarǵa arnal­ǵan memlekettik baǵdarlamasy sheń­berinde iske asyrylýda. Úsh jyl ishinde kásipkerlik negizderine 6,2 myńnan asa adam oqydy. Joba túlekteri 1,7 myńnan asa jańa kásip­kerlik sýbektini ashty, 3 myńnan asa jańa jumys orny quryldy», dep atap ótti Nur-Sultan qalasy kásipkerler palatasynyń dırektory Almat Júnisov.

2019-2021 jyldary 2 061 qaty­sýshy jobasyn júrgizýge qarjy­lan­dyrý aldy, onyń ishinde 1 957 adam 200 AEK-ke deıingi memlekettik granttar, 59 túlek 2-5 mln teńgeden bastalatyn granttar alyp, jobanyń 47 qatysýshysy «Aýyl sharýashylyǵyn qarjylaı qoldaý qory» AQ arqyly qarjylandyryldy. Mysaly, joba túlegi Álııa Toqtanaeva 200 AEK kó­leminde grant, sonymen qatar «Bız­nestiń jol kartasy-2025» mem­lekettik baǵdarlamasy aıasynda 5 mln teńge grant aldy. Osy qara­jatqa kásipker balalardy damytatyn aǵash oıynshyqtardyń óndirisin jolǵa qoıdy. Kelesi túlek Almash Kereıbaıqyzy grant qarajatyna (200 AEK) kıizden jasalǵan buıymdar: erler men áıelder bas kıimin, kúrteshe, etik óndirisin iske qosty.

Kásipkerlik negizderin múmkindigi shekteýli adamdar da oqyp jatyr. Mysaly, Sulýshash Ahmetjanova «Bastaý Bıznes» jobasynda bilim alyp, 200 AEK grant utyp alyp, tósek-oryn jabdyqtaryn, kóp ret qoldanylatyn maskalardy tigetin shaǵyn tigin sheberhanasyn ashty. Jumysta oǵan qyzy Sonıa kómektesedi, óıtkeni kásipker áıeldiń estý jáne sóıleý qabileti nashar.

«Buǵan deıin úı sharýashylyǵyn­da otyrdym, jastyq shaǵymda tigin­shi bolyp jumys istegenmin. «Bastaý Bızneste» oqý týraly maǵan qy­zym aıtty. Osy jyly bar kúsh-jigeri­mizdiń arqasynda biz oqý oqyp, grant­ty qorǵap shyqtyq. Basynda, árı­n­e, alańdaýshylyq boldy. О́ıtkeni kóp jyl boıy jumys istemedim. Bú­ginde aqyryn qadam basyp, alǵa um­tylyp kelemin. Men óz isin ashqysy keletinderdiń barlyǵyna oqýdan ótýge keńes berer edim. Siz oqýdan kóp nárseni úırenýge múmkindik alasyz», dedi S.Ahmetjanova.

Taǵy bir qatysýshy Ásel Ábdirah­manova múmkindigi shekteýli jandar­ǵa arnalǵan baspana ashty. Baspager aýzymen nemese aıaǵymen boıal­­ǵan sý­retterdi satady.

«Joba boıynsha oqyp, grant alyp, sýb­lımasııaǵa arnalǵan prınter, ter­mo-press satyp aldym. Sýretter men sho­perlerden basqa, biz qoldan ja­salǵan qýyrshaqtardy, polımerli balshyqtan jasalǵan buıymdardy satamyz. Osynyń barlyǵy – avtorlyq jumys», deıdi Ásel.

Sonymen qatar jármeńkege kelgen jandar quramynda aq qant pen glıýteni joq paıdaly shokoladtyń dá­min tatyp, satyp aldy. Ony elordada ekinshi jyl qatarynan Mahabbat Qozjanova óndirýde. Ol aldymen táttilerdi úıde jasaǵan, sodan keıin hobbıdi bızneske aınaldyrýdy sheshken.

«Shokolad tek úsh ıngredıentten jasalǵan: kakao maıy, úgitilgen tabıǵı kakao jáne qanttyń ornyna topınambýr shárbaty. Men granttyq qarajatqa ózdiginen un jasaý úshin blender satyp aldym. Qazir óz ónim­derimdi qaladaǵy barlyq eko-dúken­derge, kofehanalar men paıdaly tamaqtaný kafelerine jetkizemin. «Bastaýda» oqý maǵan óz isimdi bastaýǵa kómektesti. О́ıtkeni men uzaq ýaqyt boıy sheshim qabyldaı almaı júrgen edim. Barshańyzǵa kásipkerlikti taný úshin oqýdan ótýge keńes beremin», dep atap ótti Mahabbat.

Rahıma Omarova – bıznesti kez kelgen jasta bastaýǵa bolatynynyń aıqyn dáleli. Ol – 68 jasta. Quraq-kórpeni jáne basqa da ulttyq naqysh­taǵy toqyma ónimderin tigedi. Bul bıznespen eki jyl boıy qyzy Gúlsimmen birge aınalysýda.

Jármeńkeniń saltanatty ashylýyna «Atameken» ulttyq kásipkerler ­palatasy basqarma tóraǵasynyń birin­shi orynbasary Narıman Ábilshaıy­qov, Nur-Sultan qalasy máslıha­ty­­nyń hatshysy Erlan Qanalımov, Nur Otan partııasy qalalyq fılıa­ly tór­aǵasynyń birinshi orynbasary Saq­taǵan Sádýaqasov, Nur-Sultan qa­la­sy halyqty jumyspen qamtý orta­lyǵynyń dırektory Azamat Baıtasov jáne qala ákimdiginiń birqatar bas­­qar­ma basshysy qatysty.