Elbasy Nursultan Nazarbaev elordada ótip jatqan «Táýelsizdik urpaqtary» atty respýblıkalyq jastar forýmyna úndeý joldady, dep habarlaıdy Egemen.kz.
«Búgin barshamyz úshin erekshe kún. Táýelsizdiktiń torqaly toıy qarsańynda elimizdiń bilimdi, bilikti, isker de belsendi jastary respýblıkalyq forýmda bas qosyp otyr. Barshańyzdy Táýelsizdiktiń 30 jyldyq mereıtoıymen shyn júregimnen quttyqtaımyn», degen Elbasy Táýelsizdik táńirdiń búgingi urpaqqa bergen baǵa jetpes úlken syıy ekenin atady.
«30 jyl – halqymyz úshin tarıhı beles. Biz osy ýaqyt ishinde ata-babamyzdyń asyl armanyn oryndap qana qoımaı, ony baıandy ete bildik. Qazaqstandy álem tanyǵan, jahan moıyndaǵan irgeli memleketke aınaldyrdyq. Bul – barsha halqymyzdyń ortaq jeńisi. Men Qazaqstandy táýelsiz memleket dep jarııalaǵan tusta elimniń keleshegi jarqyn, halqy baqýatty, jastary baqytty bolsyn dep armandadym. О́skeleń urpaqtyń sapaly bilim alyp, laıyqty ómir súrýi jolynda aıanbaı eńbek ettim. Búginde sol armanym oryndalyp otyr. Táýelsizdik jyldary biz damyǵan eldermen terezesi teń, básekege qabiletti jańa býyn tárıbeledik», dedi Nursultan Nazarbaev Qazaqstan jastaryna.