AQSh-tyń Hıýston qalasynda ústel tennısinen álem chempıonaty bastaldy. Tarıhta alǵash ret 120 er adam men 118 áıel adam pleı-off formatynda synǵa túsýde. Bul ereje boıynsha sportshy bir jeńilisten soń jarysty aıaqtaıdy dep habarlaıdy Egemen.kz UOK-ke silteme jasap.
Atalǵan synǵa Qazaqstan atynan Záýresh Aqasheva men Anastasııa Lavrova qatysyp jatyr. О́kinishke qaraı, Lavrova alǵashqy kezdesýde jasóspirimder Olımpıadasy men jastar arasyndaǵy álem chempıonatynyń júldegeri, rýmynııalyq Andreıa Dragomanǵa 3:4 esebimen jol berdi.
Al Aqasheva birinshi matchta Panamerıka oıyndarynyń chempıony, Pýerto-Rıko ókili Danıelıa Rıosty 4:1 esebimen jeńdi. 1/32 fınalda Záýresh juptyq syndaǵy Tokıo Olımpıadasynyń chempıony, japondyq Ito Mımamen kezdesedi.