Bul týraly Aqparat jáne qoǵamdyq damý mınıstri Aıda Balaeva «Táýelsizdik urpaqtary» respýblıkalyq jastar forýmynda aıtty, dep jazady Egemen.kz.
«Elbasy negizin qalaǵan jastar saıasatyn Memleket basshysy Toqaev ta qoldap keledi. Biz bıyl Prezıdenttiń tapsyrmasyna saı «Jastardy damytýdyń qazaqstandyq ındeksi» ádistemesin ázirledik. Kelesi jyldan bastap ındeks aıasynda barlyq 17 óńirdegi jastar saıasatynyń oryndalýy baǵalanady. Bul barlyq deńgeıdegi jobanyń tıimdiligin anyqtap, naqty problemalyq salany aıqyndap, tıisti sheshim qabyldaýǵa múmkindik beredi», dedi Aıda Balaeva.
Mınıstr ataǵandaı, sońǵy 5 jylda magıstratýra men doktorantýrada bilimin jalǵastyrǵysy keletin jastar qatary artty.
«Múmkindigi shekteýli jandardyń bilim alýy 2014-2021 jyldary aralyǵynda orta bilimge qoljetimdiliktiń artýy negizinde 2,5 paıyzǵa kóbeıdi. JOO-da oqıtyn qajettiligi joǵary jandardyń sany 2,5 paıyzǵa artty», dedi mınıstr.