Reseıde antıvakserlerdi qylmystyq jazaǵa tartý josparlanýda, dep habarlaıdy Egemen.kz.
Bul týraly Habar24 telearnasy málim etti.
Tergeý komıteti men Bas prokýratýraǵa qoǵamda vaksınasııaǵa qarsy belsendi túrde naýqan júrgizetin 37 adamnyń derekteri jiberildi. Olar Reseı Federasııasynyń Qylmystyq kodeksiniń 207.1 jáne 207.2 baptary, aýyr zardaptarǵa ákep soqqan kórineý jalǵan qoǵamdyq-mańyzdy aqparatty taratý boıynsha jaýapqa tartylýy múmkin.
«Tergeý organdary jańa koronavırýs ınfeksııasyna qarsy vaksınasııanyń zııany týraly jalǵan aqparat taratatyn medısına qyzmetkerlerine basa nazar aýdarýda», dep habarlaıdy Reseıdiń tutynýshylyq qadaǵalaýy.
Grekııa úkimeti el turǵyndaryna koronavırýsqa qarsy revaksınasııalaýdyń artyqshylyqtaryn túsindirýde. Grek ulttyq vaksınasııa komıtetiniń basshysy Marııa Teodorıdý COVID-19 vırýsyna qarsy vaksınanyń úshinshi dozasyn egý qajettiligi týraly habarlady. Úshinshi dozadan keıin antıdeneler mólsheri jyldam kóbeıetindikten revaksınasııa vırýstyń taralýyn azaıtýǵa kómektesedi jáne vaksınasııalanbaǵan adamdarda úsh ese jıi kezdesetin COVID-19 aýyr asqynýlarynyń aldyn alady. Búgingi tańda Gresııada halyqtyń 62,3%-y vaksınasııanyń tolyq kýrsynan ótti.