25 qarashada «Qazgıdromet» RMK elimizdiń 13 óńirinde daýyldy eskertý jarııalady, dep habarlaıdy Egemen.kz.
Nur-Sultan jáne Shymkent qalalarynda jeldiń ekpini sekýndyna 15-20, keı jerlerde 23 metrge jetedi.
Aqmola oblysynyń ońtústik-shyǵysynda jaıaý burqasyn, kóktaıǵaq kútiledi. Ońtústik-batystan soǵatyn jel soltústikke, soltústik-batysqa aýysady, kúndiz oblystyń shyǵysynda ekpini 15-20 m/s kútiledi.
Aqtóbe oblysynyń ońtústiginde kóktaıǵaq bolady.
Shyǵys Qazaqstan oblystyń soltústik bóliginde kúndiz qatty jaýyn-shashyn (jańbyr, qar) jaýady. Oblystyń soltústik bóliginde jaıaý burqasyn bolyp, joldarda kóktaıǵaq kútiledi. Jel ońtústikten, ońtústik-batystan soǵady, oblystyń soltústiginde, batysynda 15-20, ekpini 25 m/s.
25-26 qarashada Jambyl oblysynyń soltústik-shyǵysynda jáne taýly, taý bókterli aýdandarynda qatty jaýyn-shashyn bolady.
Batys Qazaqstan oblysynyń jel soltústikten ońtústik-batysqa aýysyp soǵady, oblystyń soltústiginde, ońtústik-shyǵysynda ekpini 15-20 m/s jetedi.
Qaraǵandy oblysynyń batysynda, soltústiginde, shyǵysynda jaıaý burqasyn, kóktaıǵaq, oblystyń ońtústiginde tuman ktúsedi.
Qostanaı oblysynyń ońtústiginde, shyǵysynda tuman, kóktaıǵaq bolady.
Qyzylorda oblysynyń soltústiginde kóktaıǵaq, jel soltústik-batystan ońtústik-batysqa aýysyp jyldamdyǵy 15-20 m/s deıin jetedi.
Mańǵystaý oblysynyń soltústiginde, soltústik-shyǵysynda kóktaıǵaq, tuman kútiledi. Soltústik-batystan, soltústikten jel soǵady, oblystyń batysynda 15-20 m/s jyldamdyqpen jel soǵady.
Pavlodar oblysynyń soltústiginde, shyǵysynda kóktaıǵaq, jaıaý burqasyn bolady dep boljanýda. Ońtústikten soqqan jel soltústik-batysqa aýysady, oblystyń ońtústiginde, shyǵysynda ekpini 15-20 m/s.
Túrkistan oblysynyń soltústiginde, batysynda shańdy daýyl bolady. Túnde taýly aýdandarda ońtústik-batystan soqqan jeldiń ekpini sekýndyna 15-20 metr, kúndiz 15-20, taýly aýdandarda jeldiń ekpini sekýndyna 23-28 metrge jetedi.