ULY JEŃISKE MYŃ TAǴZYM!

MÁŃGILIK ALAÝ. О́ShPES DAŃQ! Keshe Memleket basshysy Nursultan Nazarbaev 7 mamyr – Otan qorǵaýshylar kúnine jáne Uly Jeńistiń 65 jyldyǵy qurmetine oraı “Otan qorǵaýshylar” monýmentine gúl shoǵyn qoıdy. Gúl shoǵyn qoıý rásiminen keıin jınalǵan qaýym beıbitshilik pen óz eliniń erteńi úshin keýdesin ot pen oqqa tosyp, surapyl soǵysta qaza tapqan qazaqstandyq jaýynger­ler­di bir mınót únsizdikpen eske aldy. Odan soń elimizdiń memlekettik Án­urany oınaldy. Saltanatty shara Respýblıkalyq ulan sarbazdary­nyń el Prezıdenti – Qazaqstan Qa­rýly Kúshteriniń Joǵarǵy Bas qolbasshysy Nursultan Nazarbaev­tyń aldynda saltanatty sherý jasap ótýimen ári qaraı jalǵasty. “Otan qorǵaýshylar” monýmenti oryn tepken alańǵa soǵys arda­gerleri men áskerı qyzmetshiler de, qala turǵyndary men qonaqtar da kóp jınalǵan eken. Saltanatty rásimnen soń, Elbasy ardager aǵa-atalarymyzben, sondaı-aq jınal­ǵan qaýymmen emen-jarqyn aman­dasyp, olardyń arasynda shamaly kidiris jasady. Saltanatty shara aıaqtalǵannan keıin “Halyq Qaharmany”, gene­ral-leıtenant Baqytjan Ertaevpen az-kem suhbattasqan edik. “Búgin Qa­zaqstan Qarýly Kúshteriniń qu­rylǵanyna 18 jyl tolyp otyr, – dedi Baqytjan Ertaev. – Endi eki kúnnen soń Uly Jeńiske 65 jyl tolady. Bizderge beıbitshilik syı­la­ǵan soǵys ardagerlerine, qan maı­danda mert bolǵan jaýyngerler árýaǵyna basymdy ıemin. Qazaqtyń erjúrek ult ekenin soǵys kezinde ata-apalarymyz ózderiniń jan­qııar­lyq erlikterimen dáleldedi. О́z eli men jerin qorǵap, Otanyna adal qyzmet etý – ár jaýyngerdiń azamattyq boryshy, mindeti. Bizdiń Qarýly Kúshterimiz búginde sol údeden shyǵyp keledi”. Saltanatty rásimge Parlament Senatynyń Tóraǵasy Q.Toqaev, Parlament Májilisiniń Tóraǵasy O.Muhamedjanov, Premer-Mı­nıstr K.Másimov, Prezıdent Ákim­shiliginiń Basshysy A.Mýsın, “Nur Otan” HDP Tóraǵasynyń birinshi orynbasary N.Nyǵ­matýlın, son­daı-aq Úkimet mú­sheleri men ózge de resmı adamdar qatysty. Álısultan QULANBAI.