Sınoptıkter 27-29 qarashada elimizde qandaı aýa raıy bolatynyn aıtty, dep habarlaıdy Egemen.kz.
«Qardyń túsýine baılanysty Qazaqstanǵa Soltústik-Batys antısıklony yǵysady. Saldarynan jaýyn-shashynsyz aýa raıy men respýblıkanyń soltústiginde aýa temperatýrasynyń tómendeýi kútiledi. Biraq eldiń batys óńirlerine Reseıdiń Eýropalyq aýmaǵynyń aýdandarynan jyly front áser etetin bolady, osyǵan baılanysty bul óńirlerde kúndizgi ýaqytta aýa temperatýrasynyń kóterilýi boljanady», dep jazady «Qazgıdromet» RMK baspasóz qyzmeti.
Elimizdiń soltústik aımaqtarynda aýa temperatýrasy túnde 10-18, kúndiz 7-15 aıazǵa deıin tómendeıdi, elimizdiń batysynda kúndiz termometr 0-5 jylýǵa deıin, al ońtústik-batysta 12 jylýǵa deıin, shyǵysta aýa temperatýrasynyń túnde 15-23-ten 8-16 aıazǵa deıin, kúndiz 0-10 aıaz bolady. Respýblıkanyń ońtústiginde 0-10 aıazdan 0-5 jylýǵa deıin, kúndiz 0-10 jylýdan 3-15 jylýǵa deıin kóterilýi, al eldiń ońtústik-shyǵysynda 7-18-den 0-10-ǵa deıin aıaz, kúndiz 3-11-den 3-ke deıin aıaz, 7 jylý kútiledi.