«Qazavıaqutqarý» AQ Mı-8AMT tikushaǵy Aqmola oblysy aýmaǵynda shuǵyl qonýǵa májbúr boldy, dep habarlaıdy Egemen.kz.
Vedomstvonyń málimetinshe, tikushaq jedel shaqyrý boıynsha Nur-Sultannan shyǵyp, Ekibastuz qalasyna bara jatqan.
«2021 jylǵy 26 qarashada QR TJM «Qazavıaqutqarý» AQ Mı-8AMT tikushaǵy Ulttyq shuǵyl medısınany úılestirý ortalyǵynyń jedel ótinimi boıynsha «Nur-Sultan – Ekibastuz» baǵytynda shyqqan.
Alaıda, Aqmola oblysy Ereımentaý aýdany О́rnek eldi mekeniniń aýmaǵynda májbúrli túrde qondy (Nur-Sultan qalasynan shamamen 100 km). Bortta 5 adamnan turatyn ekıpaj, 2 dáriger boldy. Májbúrli qonýdyń aldyn ala sebebi - oń qozǵaltqyshtyń terbelisi. Tikushaq aman-esen qondy, zardap shekkender joq. Ekıpaj ben dárigerler rezervtik áýe kemesimen shyǵaryldy. Mı-8AMT tikushaǵy kepildikte tur, óndirýshi zaýytpen birlesip áýe kemesiniń ınspeksııasy oryndalatyn bolady», dep túsindirdi«Qazavıaqutqarý» AQ baspasóz qyzmetindegiler.
Aıta ketsek, bul týraly búgin saǵat 12:40-ta Aqmola oblysy TJD daǵdarystyq jaǵdaılar basqarmasyna habar túsken bolatyn.